Gending Nyaluk Sandikala

Gending Nyaluk Sandikala

Ring sinalih tunggil paduraksa genah akung

Nyaluk sandikala

isin gumi ngantos gong macegur

panyilur kuasa selem putih

peteng srepet panganggo selem

uli tuni ngantiang telah matan ai

cihna galah luas majalan

ngawitin panyumun gending

ke tanggun selem

ke muncuk putih

apang pragat nyarik apada

punyan kepah ngepah

dot ngrasayang baret angin

ubesan kain putih

nasi cacahan

sasuguh sanggah cucuk

endihan sundih api

endih...endih...endih

endih api di mata tengen

endih panes manesin

endih...endih...endih

endih api di mata kiwa

endih ngabar ngebusin

endih...endih...endih

api endih di ulu ati

endih...endih...endih

api endih di ulu ati

panes...

endih api

endih di mata

endih api

endih di ati

                        Semarapura,11/10/00